ايه يعني لما سبتيني بشكل مش معقول
مانا عايز أسيبك من بدري لكن مكسوف أقول
ماضيكي مش لطيف..ودمك مش خفيف
وشيطانك اللي جوه حيوانك الأليف
رغم انك بليدة أستاذة ف الخيانة
فاكرة نفسك حويطة وانتي ف أولى حضانة
تتغدى ع الباتيه..وعاملة بنت بيه
أمال لو كنتي حلوة كنتي عملتي ايه
مسكنتك خلت قلبي يدق وقعت ف حبك ليه
أنا حاسس اني كنت بـ لؤ ف جزمة حبك دي
صبرت عليكي كتير..وكنت ف حبى أمير
أعصر على نفسي لمونة وأقول قشطة الأيام هتطير
كانت حالتي تصعب ع الكافر وكمان خسيت النص
فلوس وصحة ف النازل من بعد ما كنت البوص
فرجتي عليا الناس..وخسرت أعز الناس
حتى البواب لما يشوفني كان يقفل بالترباس
